Taliye Sulub oo ballan qaad u sameeyay ardayda kaalimaha hore ka gasha imtixaanka dugsiyada sare ee dalka
Taliyha ciidanka boliiska Soomaaliyeed S/Guuto Sulub Ahmed Firina ardayda kaalinta koowaad iyo labaad ka gasha imtixaanaadka dugsiyada sare ee dalka u balan qaaday in ciidanka boliiska uu qaadanayo, loona diraayo waxbarasho dalka dibadiisa ah.
Taliye Sulub ayaa intaa ku daray in ardaydaas tababar kadib ay ka mid noqan doonaan Saraakiisha ciidanka boliiska Somaaliyeed, si ay ugu adeegaan bulshadooda.
” Waxaan daadan doonaa ardayda gasha kaalinta Koowaad iyo labaad ee imtixaanaadka dugsiyada sare ee dalka, waxaa loo diri doonaa waxbarasho dibadda ah tababar kadib waxay ka mid noqon doonaan saraakiisha boliiska ”
Taliyaha ayaa hadalkaan ka sheegay gabagabadii imtixaanaadka dugsiyada sare ee dalka, oo maanta ay si wadair ah u soo xireen madaxda taliska ciidanka boliiska Soomaaliyeed iyo warasaaradda waxbarashada, hidaha iyo tacliinta sare ee dalka.
