Taliyaha ciidanka Boliiska Soomaaliyeed, S/Guuto Asad Cismaan Cabdullaahi, ayaa maanta kormeer ku tagay xarumo kala duwan oo ay ka mid yihiin Taliska Ciidanka Nabadgalyada Waddooyinka (Taraafiko), Saldhigga Boliiska Garoonka Caalamiga ah ee Aadan Cadde, xarunta Akadeemiyada Boliiska Soomaaliyeed ee General Kaahiye, iyo Hoggaanka Baarista dembiyada ee CID-da.

Intii uu kormeerka ku jiray, Taliyaha Wuxuu warbixin ka dhageystey madaxda fadhiyada uu kormeerey , isaga oo kula dardaarmay inay laba-jibaaraan dadaalkooda shaqo, si ay u gutaan waajibka ay u hayaan ummadda Soomaaliyeed.

Sidoo kale, Taliyaha ayaa la kulmay dadweynihii adeegyada kala duwan loogu hayay goobaha uu booqday, isaga oo warbixino ka dhageystay shacabka halkaas usoo doontey adeega.